viernes, 26 de julio de 2013

Prparando el prao Gervasia... mañana sábado Rebolleres RocK

................HOY PREPARANDO EL PRAO GERVASIA Foto: A.VV. de Candás 26 de Julio 2013
Mañana 27 de xunetu a les 20:30 hores vuelve'l Rebolleres Rock a El Prao Gervasia de Candás. 

Pero les xeres van entamar enantes de que suenen los sones de Skama la Rede, Skontra y Boikot, yá qu'a les 19 hores va abrise la barra del chigre con precios populares y va nacer el Rebolleres Solidariu.

L'Ensame Xuvenil Trisquel, organizador de toles xeres del Rebolleres Rock, quier dar puxu, como ye vezu nes actividaes que vien faciendo dende'l so nacimientu, a tolo que tien que ver cola solidaridá tanto con xente del conceyu que lo ta pasando mal como con xente que vive en pueblos llonxanos y oprimíos.

Pa esta primer edición la organización tien yá confirmaes la participación de la Cruz Roja que va tar tol festival recoyendo cebera y dineru (al traviés de buchaques) pa los más necesitaos del conceyu; y d'una h.aima sah.araui onde se va poder probar, de baldre, cuscus y té d'esti país africanu, y onde se van recoyer apoyos pa la campaña "Yo reconozo a la República Árasabe Saharaui Democrática" na que la xente pue sacase semeyes col cartelu de sofitu a la RASD.

No hay comentarios: