SELECCIÓN ASTURIANA foto: Archivo A.VV. de Candás
Xuventú Asturianista, mocedá del Partíu Asturianista (PAS), estraña tamién nestes fiestes navidiegues el partíu de la seleición absoluta asturiana de fútbol.
Foi una iniciativa que surdió de la “Fundación Nueva Asturies” que fexo les actividaes necesaries de sofitu pa la so criación, como la recoyida de firmes de futbolistes asturianos de 1ª y 2ª División, naquel tiempu.
El primer partíu foi nel 2000 nel “Nuevo Carlos Tartiere” n’Uviéu escontra Macedonia (1-0 ganóse), y l’últimu nel 2002 nel “Suárez Puerta” n’Avilés escontra Honduras (5-3), toos col aliendu abondo de l’afición.
Llamentamos dafechamente la inactividá de la nuestra clas dirixente que-y torga a los asturianos dende hai 8 años ver a la so selección nacional nel deporte rei (el fútbol). Ver a xugadores d’esbilla como David Villa, Juan Mata, Luís García, Adrian Colunga, Santi Cazorla, y munchos más. Sedría una folixa pal fútbol asturianu, y pa los asturianos. Nun mos podemos imaxinar que-y fexo’l Pueblu Asturianu pa que otres comunidaes autónomes puedan tenela y nosotros non.
Dende Xuventú talantamos que nun tien nenguna credibilidá la política deportiva d’esti Gobiernu Asturianu formáu poles fuerces centraliegues españoles PSOE ya IU. Tien abandonao too nos deportes que tenga un rispiu que ver cola identidá asturiana. Los bolos asturianos, por exemplu, dalgo mui propio del Pueblu Asturianu, tán dende cuantayá amenorgando les sos llicencies. Estos partíos de la combinada nacional de fútbol daríen perres pal desendolcu de polítiques deportives nun tiempu perdifícil pa munches asociaciones y peñes deportives.
Pidimos la torna de la seleción asturiana absoluta de fútbol y el so afitamientu como representante futbolísticu de los asturianos y asturianes, amás de la oficialidá y la normalización internacional de toles federaciones deportives asturianes.
FUENTE: Comunicado recibido de la Secretaría d’Organización del Partíu Asturianista
Xuventú Asturianista, mocedá del Partíu Asturianista (PAS), estraña tamién nestes fiestes navidiegues el partíu de la seleición absoluta asturiana de fútbol.Foi una iniciativa que surdió de la “Fundación Nueva Asturies” que fexo les actividaes necesaries de sofitu pa la so criación, como la recoyida de firmes de futbolistes asturianos de 1ª y 2ª División, naquel tiempu.
El primer partíu foi nel 2000 nel “Nuevo Carlos Tartiere” n’Uviéu escontra Macedonia (1-0 ganóse), y l’últimu nel 2002 nel “Suárez Puerta” n’Avilés escontra Honduras (5-3), toos col aliendu abondo de l’afición.
Llamentamos dafechamente la inactividá de la nuestra clas dirixente que-y torga a los asturianos dende hai 8 años ver a la so selección nacional nel deporte rei (el fútbol). Ver a xugadores d’esbilla como David Villa, Juan Mata, Luís García, Adrian Colunga, Santi Cazorla, y munchos más. Sedría una folixa pal fútbol asturianu, y pa los asturianos. Nun mos podemos imaxinar que-y fexo’l Pueblu Asturianu pa que otres comunidaes autónomes puedan tenela y nosotros non.
Dende Xuventú talantamos que nun tien nenguna credibilidá la política deportiva d’esti Gobiernu Asturianu formáu poles fuerces centraliegues españoles PSOE ya IU. Tien abandonao too nos deportes que tenga un rispiu que ver cola identidá asturiana. Los bolos asturianos, por exemplu, dalgo mui propio del Pueblu Asturianu, tán dende cuantayá amenorgando les sos llicencies. Estos partíos de la combinada nacional de fútbol daríen perres pal desendolcu de polítiques deportives nun tiempu perdifícil pa munches asociaciones y peñes deportives.
Pidimos la torna de la seleción asturiana absoluta de fútbol y el so afitamientu como representante futbolísticu de los asturianos y asturianes, amás de la oficialidá y la normalización internacional de toles federaciones deportives asturianes.
FUENTE: Comunicado recibido de la Secretaría d’Organización del Partíu Asturianista 
No hay comentarios:
Publicar un comentario