Nel pisu baxu del edificiu polivalente La Baragaña de Candás, ofrecese al públicu, dende’l 25 d’abril al 18 de mayu, una esposición de dibuxos del autor escritor y ilustrador Sidoro Villa Costales, que cuenta con obres como Nun-yos tengas perceguera o Mael al debalu ente otres munches, y qu’amuesa un refileru d’ilustraciones orixinales fechos pa dalgunu de los sos llibros, y otros trabayos que van dende los empobinaos al públicu más mozo hasta otros p’adultos.
...........VISTA DE EXPOSICIÓN Foto: A.VV. de Candás-25 de Abril de 2012
...........VISTA DE EXPOSICIÓN Foto: A.VV. de Candás-25 de Abril de 2012
El mesmu espaciu, y nes mesmes feches, acoyese otra esposición de delles campañes en llingua asturiana dirixíes al públicu infantill y entamaes pol Serviciu de Normalización Llingüística de la Mancomunidá d’El Cabu Peñes.
¡N’asturianu queda guapo!
Material dirixío a los neños y neñes y que consiste na edición de dellos modelos de carteles nos que se trabaya un vocabulariu mui usáu como ye: el patiu, la calle, la clase, el comedor, el bañu , el cuerpu humanu, el monte, la ribera, la casería, el tiempu, el cuerpu humanu per dientro y la vistimenta.
Ofrécense tamién otros recursos didácticos como dos xuegos sobre animales y plantes y unes mariquites recortables pa trabayar el vocabulariu de la ropa.
..........VISTA DE EXPOSICIÓN Foto: A.VV. de Candás-25 de Abril de 2012
Materiales pa "lo más piquiñino de casa"
Les neñes y los neños, dende que nacen, tienen de facese col mundu al qu’acaben llegar y la llingua ye ún de los instrumentu de contactu con esi mundu. Los pas y les más son el referente primeru y cimeru pa elles y pa ellos y asina, al fala-yos n’asturianu, empleguen una ferramienta de comunicación que-yos va permitir conocer meyor la realidá na que s’alcuentren.
Sía’l pá o la ma (o dambos), al emplegar la Llingua Asturiana, aprovechen una oportunidá perbona de facer de les neñes y los neños persones tolerantes y respetuoses pa colos demás y pa cola pluralidá llingüística. El mundu ye guapu porque ye diversu y reconocer esa diversidá y valorala faimos meyores persones. Esti ye’l megollu d’esta campaña dirixida a lo más piquiñino la asina como a los sos pas y más.
Les campañes consisten na edición d’un álbum d’alcordances pa neñes y neños de 0 a 3 añinos. Un álbum onde se recueyen les primeres fotos, les ecografíes, les vacunes, les primeres vacaciones, navidaes, etc. Asina como baberos, una fueya con una añada y vocabulariu específicu, pegatina pal coche, etc.
Arancha Prado García- Jove
No hay comentarios:
Publicar un comentario