La XXXIII edición de la Selmana de les Lletres Asturianes rinde homenaxe a la Poesía Ilustrada y poetes del altor de Benito Antonio de l’Auxa, candasu de nacimientu y al que so conceyu quier homenaxar con un actu n'alcordanza del so valir profesional y personal.
Pa ello, va dedicáse-y una sala de la Biblioteca Carlos González de Posada. Al entamu del actu, les autoridaes rexonales y locales van descubrir la placa conmemorativa cola que se da nome al espaciu como SALA BENITO ANTONIO DE L’AUXA (1.743-1.814). Darréu de les intervenciones de les autoridaes, tendrá llugar la conferencia “El poeta candasín Benito de l’Auxa: ente Marirreguera y Xovellanos” por Xuan Carlos Busto (Universidá d’Uviéu)
Los actos van celebrase’l 2 de mayu, miércoles, a les 19:30 h. na Biblioteca Carlos González Posada en Candás; concretamente na Sala Polivalente del edificiu.
Nel Polivalente La Baragaña de Candás, a les 11:00 h.
Pal vienres 4 de mayu, coincidiendo col Día de les Lletres Asturianes, va celebrase nel Polivalente La Baragaña de Candás, a les 11:00 h. un actu pa les neñes y los neños de 3u de primaria de les escueles Poeta Antón y San Félix de Candás.
Ye ésti un actu onde va facese un repasu de delles campañes empobinaes al públicu infantil y que va contar cola presencia del autor de dalgunos de los materiales: Sidoro Villa Costales. Amás d'esta campaña tamién van presentase otros recursos didácticos colos que se pretende reforzar la llingua de “lo más pequeño de la casa”.
No hay comentarios:
Publicar un comentario