Muestra de los materiales editaos nestos 10 años polos Servicios de Normalización Llingüística d’Asturies.
Hasta el 10 de payares (noviembre) cola collaboración y el sofitu del Centru Comercial Caudalia, la Rede de Normalización Llingüística nos Conceyos fadrá un repasu de los 10 años de trabayu esponiendo los materiales de les sos campañes nel centru comercial de la cuenca del Caudal.
La Rede de Normalización Llingüística nos Conceyos fai nesta esposición un repasu pol trabayu fechu nos 10 años últimos de llabor, dende l'apertura del primer serviciu de normalización llingüística, el de Llangréu, hasta l'apertura del últimu, el de la Mancomunidá d'Ozcos-Eo, pasando pola puesta en marcha del de L.lena, Xixón, Mieres, Samartín del Rei Aurelio, Avilés, Siero, Cangas, Comarca la Sidra, Mancomunidá d’El Cabu Peñes, Llaviana, Corvera y Parque Históricu del Navia, que formen el total de sedes actives de los servicios asturianos.
Nestos díez años los servicios de normalización llingüística de los Conceyos d’Asturies apostaron por normalizar l'usu del asturianu y del gallego-asturianu ente la ciudadanía, y como buena muestra d’ello son los diferentes materiales que s’esponen: dende campañes educatives, publicaciones, a campañes sociales como la salú colos cincos sentíos; tamién hai sitiu pa los materiales dedicaos a lo más piquiñino de casa (baberos, llibru del naciatu); y pa la hostelería, comerciu y el turismu.
Arancha Prado García-Jove
SNL Mancomunidá d'El Cabu Peñes
No hay comentarios:
Publicar un comentario