Hola buen día y buena "nueche d'animes".Mucho antes de que la “moda” americana de Halloween redescubriera esta fecha "los calabazones afuracaos" con veles dentro, ya aparecían "por les esquinas de los nuestros pueblos·
Tradicionalmente los pueblos celtas celebraban esta noche, previa al 1 de Noviembre, la entrada de su año nuevo.
N'Asturies, como n'otros llugares de la Península, esta tradición taba mui viva hasta hai menos de trenta años. Lo tradicional yera escoyer les calabaces más grandes de la güerta y afuracales con formes de calavera. Cuanto más grande fuere la calabaza, o'l nabu en dalgunos pueblos, más lluz diba salir pelos furacos y polo tanto más diba asustar a la xente.
Solíen ser los mozos y les moces les que s'encargaben de vaciar la calabaza, yá que yera un procesu llargu y abegosu. Lo primero que facíen yera colocar la calabaza col rau p'arriba, dempués abrir per ehí pa dir sacándo-y la carne. Una vuelta vaciada diben abriendo los güeyos y la boca con tallaes bien precises y, acabáu esti procesu, decorábenla con otros elementos como les pebites de la calabaza pa los dientes, o'l pelo de la panoya pa la barba. La calavera nun taba acabada por embargu hasta que nun se volvía a llevantar el rau pa meter la vela y, una vuelta prendida, acababa colocada nes puertes y les ventanes de les cases o nos llugares más escuros de los caminos.
La costume de mazcaritase tampoco paez un inventu nuevu n'Asturies. La tradición d'afuracar el calabazón yera acompañada en munchos sitios pol procesu de poner enriba un pañu blancu, talamente como les ánimes del purgatoriu o güestia, p'asustar a los probes que teníen la mala suerte de pasar peles caleyes, los molinos o les viesques na nueche del 31 al 1.
No hay comentarios:
Publicar un comentario